Bygginga av den nye idrettsshallen på Askøy er i gang. Kranselaget er feira, og i februar 2004 står den største fleirbrukshallen i Hordaland klar til bruk. Totalkostnad for hallen blir 35,5 millionar kroner.
Fylkesidrettssjef Tore Alfstad og idrettskonsulent Tore Andersen frå Hordaland fylkeskommune deltok på kranselaget.
Tre handballbaner
Fleirbrukshallen får namnet Askøy Forum og blir bygd ved idrettsparken på Ravnanger med eit areal på 5500 kvadratmeter. Idrettshallen er på 70 x 45 meter og skal innehalde tre handballbaner som og kan brukast til basketball, volleyball, innebandy, badmington og gymnastikkaktivitetar. Over garderobeanlegget i 2. etasje skal det byggast ei 60 meter løpebane. Hallen skal og fungere som kulturhus med plass til 2000 personar.
8,5 millionar kroner frå fylkeskommunen
Fleirbrukshallen er finansiert av kommunen og Hordaland fylkeskommune som bidreg med 8,5 millionar kroner gjennom spelemidlane.
Sjå videofilm frå kranselaget
Bjarte Brask Eriksen