Hordalandskonferansen blir skipa til 5. og 6. mai på Rainbow Bergen Airport Hotel, Kokstad. Konferansen er ein møteplass for kommunane og fylkeskommunen for å drøfte felles utfordringar og strategiar for fylket vårt.
Vegval for Hordaland
Konferansen startar måndag 5. mai klokka 12.00 med avslutning til lunsj dagen etter. Fylkesordførar Gisle Handeland innleiar konferansen med debatt om utfordringar og vegval for Hordaland i dag.
Partnarskap
Det store temaet på konferansen blir den nye rolla til fylkeskommunen der samarbeid og partnarskap med kommunane står sentralt. Her blir det fleire innlegg og debatt:
Fylkesvaraordførar Torill Selsvold Nyborg innleiar om ”Ein fylkeskommune for Hordaland”.
Professor Halvard Vike, Høgskolen i Telemark, tek for seg ”Partnarskap – frå retorikk til realitet?”
Ordførar Rolf Sandstad i Austrheim kjem med kva han ventar seg av fylkeskommunen.
Byrådsleiar Anne-Grete Strøm-Erichsen ser på ”Fylkeskommunen og Bergen kommune – samspel eller konkurranse?”
Rådmann Odd Henry Dahle i Sveio slår fast ”Dette kan vi samarbeid om”.
Nytt Brusselkontor
Elles på konferansen skal fylkesrådmann Paul M. Nilsen orientere om den nye organiseringa av fylkesadministrasjonen og korleis den kjem kommunane til nytte. Det blir orientering om Vest-Noregs Brusselkontor som opnar 6. mai og den kulturelle skulesekken.
Konferanseprogram
Bjarte Brask Eriksen