Vaksdal (biletet) får nærmare 1,2 millionar kroner.
Fordelinga av kompensasjonen for auka arbeidsgjevaravgift er slik fordelt:
- Fusa kr 1.122.000,-
- Samnanger kr 255.000,-
- Austevoll kr 1.931.000,-
- Vaksdal kr 1.163.000,-
- Osterøy kr 1.231.000,-
- Meland kr 1.074.000,-
- Radøy kr 646.000,-
- Lindås kr 4.030.000,-
- Austrheim kr 681.000,-
Ved fordelinga av kompensasjonsmidlane har fylkeskommunen lagt til grunn same fordelingsnøkkel som då midlane i fjor vart fordelte av Kommunal- og regionaldepartementet.
Midlane som SND får tildelt frå fylkeskommunen skal fordelast etter målsetjinga i det regionale utviklingsprogrammet som fylkesutvalet vedtok 30. januar i år. Priorterte felt i 2003 er nyskapande næringsliv i heile fylket og eksisterande verksemder med potensial for auka verdiskaping, særleg små- og mellomstore bedrifter.
Dei 32,9 mill. kr som fylkeskommunen stiller til rådvelde for SND Hordaland skal fordelast på tre felt:
Nytt næringsliv 13,2 mill. kr
Eksisterande næringsliv 15,0 mill. kr
Felles prosjekt/program 4,7 mill. kr
Midlane til nytt næringsliv kan nyttast i heile fylket, men distrikta skal prioriterast. Prioriterte grupper er kvinner og ungdom i distrikta.
Midlane til eksisterande næringsliv kan berre fordelast til såkalla C-kommunar i SND-systemet, dvs. Etne, Kvinnherad, Odda, Ullensvang, Granvin, Eidfjord, Ulvik, Jondal, Kvam, Voss, Masfjorden, Modalen og Fedje. Prioriterte grupper innan desse kommune er nyetablerte små- og mellomstore verksemder.
Midlane til fellesprogram kan nyttast i heile fylket, men dei såkalla C-kommunane skal prioriterast. Små- og mellomstore bedrifter og etablerar er gruppene som skal ha prioritet.
Stanley Hauge