Fylkesutvalet meiner det er svært viktig med avbøtande tiltak for å hindre negativ sysselsettingsutvikling som følgje av auka arbeidsgjevaravgift. Dette kan gjerast gjennom å etablera regionale kompensasjonsfond som kan nyttast til tiltak for å styrke verksemdene si konkurranseevne, t.d. kompetanseutvikling og betre infrastruktur. Det er naturleg at styringa av kompensasjonsfondet vert lagt til fylkeskommunen. Fylkesutvalet ber om at regjeringa følgjer opp dette, heiter det i Hordaland fylkesutval sitt vedtak.
Fylkeskommunen sine analyse syner at om lag 40 verksemder i ni kommunar får auka kostnader som følgje av omlegginga. Tala på arbeidsplassar som vert råka, er slik i dei ni kommunane: Odda 1310, Kvinnherad 1230, Bømlo 710, Kvam 320, Tysnes 180, Etne 110, Ullensvang 80, Granvin 60, Fedje 40.
Fylkesordføraren legg opp til eit nært samarbeid med dei 14 kommunane som får auka avgift. Han har invitert ordførarane kommunane til ei første drøfting av saka under Hordalandskonferansen 5.-6. mai.
Fylkesutvalet meiner at dei delane av fylket som vert negativt råka av avviklinga av ordninga med differensiert arbeidsgjevaravgift, må koma inn under ordninga med transportstøtte. Fylkesutvalet set som eit minstekrav at Hordaland får tilført ekstra investeringsmidlar til vegutbygging i dei områda som kjem negativt ut.
Stanley Hauge