Det skal utarbeidast ein hamneplan for Hordaland. Planen skal ha status som fylkesdelplan etter plan- og bygningslova, og ha eit tidsperspektiv på 10 år, har Hordaland fylkesutval vedteke. Hamneplanen er ei oppfølging av fylkesplanen for Hordaland for 200
Hovudmålet med planen er å etablera ein heilskapleg hamnestruktur i Hordaland. Planen skal fungera som grunnlag for vedtak i fylket ved prioriteringar av offentlege midlar til hamneføremål. Den skal også vera premissgjevar for planlegging og investering i veg- og jernbaneutbygging.
Det er venta at arbeidet med planen vil ta eit år, og det er budsjettert med ein kostnad på 715 000 kr fordelt på 2002 og 2003.
Bente Gunn Håtuft (Høgre) er tilrådd oppnemnd som saksordførar for planen. Fylkestinget tek avgjerd om saksordførar på tinget i oktober.
Komiteen for miljø og samferdsel skal vera styringsgruppe for planen.
Stanley Hauge