Sterkare og meir levedyktige musé
Den nye museumsplanen er Hordaland fylkeskommune sitt svar på stortingsmeldinga om museum (ABM-meldinga). Reforma har m.a. som mål å gjera musea til sterkare og meir levedyktige institusjonar og er retningsgjevande for eit meir formalisert samarbeid mellom arkiva, biblioteka og musea (ABM) som kunnskapsinstitusjonar. Museumsfeltet vil utgjera ein endå viktigare del av den fylkeskommunale kulturpolitikken, og det vert tilrådd at den nye museumsplanen får status som fylkesdelplan.
Det vert no gjort framlegg om 7 konsoliderte museumseiningar:
1. ”Bergen Bymuseum” samansett av Gamle Bergen Museum, Bryggens Museum med Rosenkrantztårnet og Håkonshallen, Bergen Skolemuseum, St. Jørgen/lepramuseet, Damsgård Hovedgård, Alvøen Hovedbygning og samlinga til Bergen Brannmuseum.
2. ”Bergen kunstmuseum”/Hordaland kunstmuseum samansett av Bergen Kunstmuseum, Vestlandske kunstindustrimuseum, Edvard Grieg Museum/Troldhaugen, Museet Siljustøl og Museet Lysøen.
3. ”Hordaland kystmuseum” samansett av Det Hanseatiske Museum, Norges Fiskerimuseum, Bergens Sjøfartsmuseum, Kystmuseet i Øygarden, Nordsjøfartsmuseet og Herdla museum.
4. ”Regionmuseum for indre Midthordland” samansett av Hordamuseet, Osterøy Museum og Voss folkemuseum.
5. ”Sunnhordland regionmuseum” samansett av Sunnhordland Folkemuseum og Baroniet i Rosendal.
6. ”Hardanger regionmuseum” samansett av Hardanger folkemuseum, Ingebrikt Vik Museet, Kvam Bygdetun, Stiftinga Agatunet og Norsk Vasskraft- og Industristadmuseum.
7. ”Museumssenteret i Salhus”/”Nordhordland regionmuseum” samansett av Regionmuseet for Nordhordland, Norsk Trikotasjemuseum og Tekstilsenter og Fellestenestene for musea i Hordaland.
Det er teke utgangspunkt i geografiske modellar, men det einskilde konsoliderte museet vil utvikla og tilby spesialkompetanse på ulike felt som naturleg høyrer heime i regionen.
Talet på konsoliderte museumseiningar er ikkje endeleg fastlagt, heiter det i fylkesutvalet sitt vedtak.
Stanley Hauge