Komité for miljø og samferdsel i Hordaland går inn for at Odda kommune skal få forskottere 10 millionar kroner til utbetring av Opheimsgata i Odda sentrum, og at summen blir refundert i perioden 2010-2013.
Forslaget vart tilrådd mot ei røyst (SV). Bjørn Lothe , SV, ville heller fullfinansiere vegutbetringa med statlege midlar over to år, 2003-2004. Dette fekk berre hans eiga røyst og fall.
Årsaka til opprusting av den kommunale Opheimsvegen, er at opninga av Folgefonntunnelen har ført til auka trafikk gjennom Odda sentrum. Planen er å leie denne trafikken gjennom Opheimsvegen og gjere denne om til riksveg. Kostnaden er 15 millionar kroner. Dette kan dekkast inn ved 10 millionar i kommunal forskottering og fem millionar over riksvegbudsjettet i 2003.
Bjarte Brask Eriksen