Det nogjeldande opplegget for snøggbåtruta Sunnhordland-Kvinnherad-Os skal førast vidare, har Hordaland fylkesutval vedteke. Vedtaket vart gjort med ti mot fire (2 H, 1 Sp, 1 Krf) røyster.
Fylkesutvalet følgjer dermed opp tilrådinga frå ad hoc-gruppa som har vurdert ruteopplegget og tilrådinga frå komiteen for miljø og samferdsel.
Magnar Lussand (Sp) føreslo å leggja ned snøggbåtruta mellom Kvinnherad Os frå 1. mai 2003 og vinterruta på Hardangerfjorden frå neste vinter. Dei nedlagde rutene føreslo han erstatta med ny ekspressbåtrute mellom Rosendal og Flesland/Bergen frå 1. mai 2003. Forslaget la opp til at fylkesrådmannen skulle få i oppdrag å arbeida vidare med løysingar som best mogleg kan ivareta behovet til dei som vert ramma av endring i snøggbåtrutestrukturen. Dette forslaget fekk fem røyster (2 H, 1 Sp, 1 Krf og 1 uavh.) og fall.
Stanley Hauge