Ingebjørg E. Astrup er tilsett som ny fylkeskultursjef i Hordaland fylkeskommune. Astrup er 51 år, og bur i Os.
OL på Lillehammer og Kulturby Bergen
Ho har lang og variert bakgrunn frå kultursektoren, mellom anna som utstillingsleiar, prosjektleiar i kulturseksjonen i LOOC under OL på Lillehammer, kultursjef i Os og programkoordinator i Kulturby Bergen 2000. Gjennom dette har ho også vore sentral i utvikling og gjennomføring av fleire større kulturprosjekt. For tida driv ho som frilans med oppdrag for private og offentlege innan kulturfeltet.
Kunsthistorie
Ingebjørg E. Astrup har utdanning innan kunsthistorie frå Universitetet i Bergen og lærarutdanning.
Ho tek til i stillinga tidleg i 2003.
Samla kulturbudsjett i fylkeskommunen er på om lag 138 millionar kroner.
Stanley Hauge