Ordninga skal setjast i verk ved at nye brukarar som får slik stønad som nemnt frå folketrygda, ikkje kjem inn under den fylkeskommunale ordninga. Noverande brukarar som får støtte frå transportordninga, vil missa retten når dei skal vurderast på nytt i løpet av 2003.
Vedtaket i fylkesutvalet vart gjort med ni (Ap, Krf, Sp og V) mot fem (H, Frp., SV og uavh.) røyster.
Mindretalet i fylkesutvalet støtta innstillinga frå komiteen for miljø og samferdsel om at transportordninga for funksjonshemma skal vidareførast i si noverande form.
Løyvinga til transportordninga for funksjonshemma vert ikkje endra som følgje av dette vedtaket. I takt med at brukarar fell ut av ordninga som følgje av dei nye reglane, vil andre som står på venteliste og får rett til stønad koma med i ordninga.
Fylkesutvalet sitt vedtak:
1. For nye brukarar og brukarar som skal vurderast på nytt og som har fått grunnstønad til ekstra utgifter til transport gjennom folketrygda, herunder grunnstønad til transport, grunnstønad til drift av eigen bil og stønad til kjøp av bil gjennom folketrygdlova, fell retten til stønad frå Transportordninga bort.
2. Alle søkjarar under 70 år må søkje om grunnstønad til ekstrautgifter til transport frå folketrygda før søknad om brukargodkjenning i Transportordninga vert handsama. Søkjarar som får innvilga søknad om grunnstønad til ekstrautgifter til transport, herunder grunnstønad til transport, grunnstønad til drift av eigen bil og stønad til kjøp av bil gjennom folketrygdlova, misser retten til stønad frå Transportordninga.
3. Dersom det kjem auka ressursar til Transportordninga, skal dei brukarane som tilhøyrer servicelinjetilbodet få auka brukarkvotene først.
4. Den fylkeskommunale legenemnda skal stå for den medisinske vurderinga av alle søknader. Innstilling frå legenemnda skal leggast til grunn for godkjenning av brukarar i Transportordninga.
5. Vilkåra for arbeidskøyring for trygda personar med særskilt tilrettelagt arbeid vert endra til følgjande
a. Sakkunnig erklæring som dokumenterer kvifor søkjaren ikkje kan nytte buss skal leggjast ved søknaden.
b. Alle som søkjer om arbeidskjøring skal før søknaden blir handsama søkje om stønad til fordyra transport frå folketrygda.
c. Eigendelen blir endra til pris på månadskort på buss på den aktuelle strekningen mellom søkjaren sin heim og søkjaren sitt arbeid minimum kr. 500 pr. månad for 50 – 100 % stilling, og minimum kr. 300,- for inntil 50 % stilling. I tillegg vil stønad til fordyra transportutgifter gå inn som ein del av eigendelen.
6. Psykiske og somatiske lidingar vurderast på lik line.
7. Fylkesrådmannen får fullmakt til å endre retningslinjene i samsvar med vedtaket.
Les heile pressemeldinga frå fylkesutvalet 21. november 2002
Stanley Hauge