Etter forslag frå Magnar Lussand har Hordaland fylkesting vedteke denne fråsegna: "Hordaland fylkesting ser med stor uro på den siste kostnadsramma knytt til utbygging av infrastrukturen i samband med bygging av ny opera i Bjørvika. Dette vil bety at all
Hordaland fylkesting krev at utbyggingsprosjekt innan samferdselssektoren i Vestlandsregionen som er vedteken i Nasjonal transportplan ikkje vert sett til side. Alle delar av næringslivet i regionen er avhengig av ein god utbygd infrastruktur, og det vil vera øydeleggjande for Vestlandsregionen dersom samferdselsprosjekt vert utsett på grunn av at alle midlane skal brukast i Osloområdet.
Tidlegare undersøkingar har vist at i den siste 10 års-perioden har ca. 80% av investeringar gått til det sentrale Austlandet. Sett i forhold til at størstedelen av verdiskapinga skjer i distrikta vitnar dette om manglande forståing for distrikta sin betydning for samfunnsøkonomien totalt.
Hordaland fylkesting er redd for at andre vegprosjekt må betala rekninga for utbygginga i Bjørvika. Hordaland fylkesting krev ei forsikring frå regjeringa om at andre vegprosjekt ikkje må betala rekninga for milliardoverskridinga i Bjørvika."
Stanley Hauge