Hordaland fylkesutval går med ni (5 Ap, 1 SV, 1 Sp, 1 V, 1 Krf) mot seks (3H, 1 Frp, 1 uavh., 1 Krf) røyster imot at Sonans privatgymnas (biletet) skal få godkjenning til å driva privat gymnas i Bergen.
Sonans har søkt om godkjenning for å driva privat gymnas med 300 elevar innan studieretninga allmennfag. Desse elevane vil ha ein gjennomsnittsalder på 24 år, og ein stor del har alt gjennomført vidaregåande utdanning. Mange vil likevel betra karakterane, ta nye fag og skaffa seg studiekompetanse, heiter det i saksutgreiinga.
I saksutgreiinga vert det også vist til at dersom skulen vert godkjent etter privatskulelova vil staten trekkja fylkeskommunen for 8 mill. kr årleg. Til samanlikning har fylkeskommunen 7,2 mill. kr til vaksenopplæring i år.
Høgre og Fremskrittspartiet fremja felles forslag om at ein skal godkjenna Sonans privatgymnas etter privatskulelova. Forslaget fekk seks røyster (3H, 1 Frp, 1 uavh., 1 Krf) og fall.
Stanley Hauge