Vellukka behandling av ungdommar med åtferdsvanskar

Fylkesutvalet har vedteke at prosjektet med multisystemisk behandling (MST) av ungdom med alvorlege åtferdsvanskar skal bli permanent. I dag har MST-teamet ni tilsette som no får fast tilsetting.

I tillegg har fylkesutvalet godkjent å utvide MST-teamet med 2,5 stillingar frå 1. mai i år. MST-prosjektet starta sommaren 2000 for å demme opp for auken i plasseringar av ungdom i barneverntiltak utanfor heimen. Behandlingsforma har vist seg å vere eit effektivt tiltak i forhold til mange unge og deira familiar.

Meirkostnadene ved utviding av tilbodet skal dekkast inn ved omdisponeringar innan barne- og familievernet.

Bjarte Brask Eriksen