Desse stillingane blir oppretta:
1. 0,50 miljøterapeutstilling (helg og seinvakt) ved Bergen Mødrehjem. I 2001 har det vore episodar ved institusjonen der personale og bebuarar har vore truga. Stillinga blir oppretta for å styrkje beredskapen ved institusjonen.
2. 0,40 reinhaldarstilling ved Ungdomsbasen i Fyllingsdalen. Ungdomsbasen flytter til nye og større lokale 1. mars 2002. For å unngå å bruke miljøarbeidarar til reingjering søkjer institusjonen om oppretting av inntil 40% stilling som reinhaldar.
3. 0,40 reinhaldarstilling ved Breimyra barnehjem. Breimyra barnehjem har ikkje reinhaldar og søkjer om inntil 40% reinhaldarstilling for å redusere belastninga på miljøarbeidarane.
Stillingar i KASA-prosjektet
KASA-prosjektet (tidlegare små bueiningar) starta opp med drift i to einingar hausten 2001 og har behov for oppretting av 0,50 stilling som førstesekretær, 1,00 stilling som avdelingsleiar og 1,00 stilling som psykolog eller førstekonsulent. Opprettingane er i tråd med premissane som blei lagt for etablering av tiltaket.
Styrking av familievernet
Fylkestinget vedtok i desember å løyve 1,0 mill kr til etablering av familievernkontor i Sunnhordland. Beløpet gir grunnlag for 4-6 månaders drift. For å leggje til rette for oppstart av kontoret har administrasjonsutvalet vedteke å oppretta 1,00 stilling som leiar av kontoret.
Bjarte Brask Eriksen