Arkitektkonkurranse for eit kunst- og kultursenter i Hardanger

Hordaland fylkeskommune har plukka ut fem arkitektgrupper til å levera inn forslag til utforminga av eit kunst- og kultursenter i Hardanger, ”Tusenårsstaden i Hordaland”. Utveljinga har skjedd etter at 39 firma melde si interesse då fylkeskommunen inviter

Dei 5 som er valde ut til å delta i konkurransen, er:

Arkitektene SCHMIDT, HAMMER & LASSEN K/S, Århus.
Arkitektgruppen CUBUS AS, Bergen.
JARMUND/VIGSNÆS AS arkitekter, Oslo.
LUNDE & LØVSETH Arkitekter AS; Oslo.
HILLE STRANDSKOGEN Arkitekter AS, Oslo.

Føremålet med konkurransen er å få fram gode arkitektoniske, tekniske og økonomiske løysingar innanfor gjevne rammer.

Oppstart av arkitektkonkurransen var 1. februar 2002, og levering av utkast er sett til 15.april 2002.

Hordaland fylkesutval har vedteke at HARDANGER skal vera tusenårsstaden i Hordaland. Det konkrete uttrykket for tusenårsstaden HARDANGER skal manifesterast i eit kunst og kultursenter i Øystese, Kvam herad. Hovudoppgåva vert å leggja til rette for utstillingar, konsertar, undervisning og andre kulturaktivitetar. Samla areal for nybygget er førebels sett til ca. 1000 m2.

I tillegg til dei krava som ligg i å løysa eit romprogram på tomta, ligg det store utfordringar i heile situasjonen med m.a. nytt parkanlegg og Øystese som tettstad. Oppgåva vert å skapa eit nytt bygg for eit nytt årtusen med dei utfordringane som ligg i dette.

Stanley Hauge