Det var Magnar Lussand (SP) som tok opp saka under fylkestinget si samling i Bergen, og føreslo at fylkestinget skulle vedta ei slik fråsegn.
Nedlegging av akuttmedisinske tenester, omgjering av lokalsjukehus til lokale medisinske senter og omgjering av fødeavdelingar til fødestover fører til sterkt redusert helsetilbod til innbyggjarane i distrikta, heiter det i fråsegna, og vidare: Tiltaka fører til lengre transportavstandar for øyeblikkeleg hjelp pasientar. Det fører til ei sterk sentralisering av helsetilbodet og eit svekka helsetilbod lokalt.
Fråsegna har denne ordlyden:
«Mindre enn eitt år etter at staten tok over ansvaret for sjukehusdrifta i Helseregion vest, organisert i føretaket Helse vest, kjem føretaket med framlegg som fører til ei alvorleg nedbygging av helsetilbodet til innbyggjarane i distrikta.
Den statlege overtakinga av sjukehusa vart grunngjeve med at det skulle verta eit betre helsetilbod til alle.
Nedlegging av akuttmedisinske tenester, omgjering av lokalsjukehus til lokale medisinske senter og omgjering av fødeavdelingar til fødestover fører til sterkt redusert helsetilbod til innbyggjarane i distrikta. Tiltaka fører til lengre transportavstandar for øyeblikkeleg hjelp pasientar. Det fører til ei sterk sentralisering av helsetilbodet og eit svekka helsetilbod lokalt.
I neste omgang vil dette kunna føra til ei ny forvitring av helsetilbodet i distrikta, med reduserte investeringar i medisinsk teknisk utstyr og ytterlegare vanskar med å rekruttera medisinsk fagleg personell.
Hordaland fylkesting vil på det sterkaste protestera mot denne raseringa av helsetilbodet knytt til lokalsjukehusa våre.»
Les heile pressemeldinga frå siste dagen av fylkestinget
Stanley Hauge