Gratis ferdsel over Nordhordlandsbrua jule – og nyttårskvelden

Julaftan og nyttårsaftan blir det gratis ferdsel (ingen bompengar) over Nordhordlandsbrua i følgjande tidsrom: Julaftan frå klokka 18.00 til 1. juledag klokka 10.00. Nyttårsaftan frå klokka 20.00 til 1. nyttårsdag klokka 10.00.

Vedtaket er gjort av fylkesrådmannen og er i tråd med tidlegare praksis.
Nytt i år er at det blir gratis ferdsel fram til kl. 10.00 1. juledag mot klokka 08.00 tidlegare. Tidspunktet for gratis ferdsel nyttårsaftan er framskunda til klokka 20.00 mot 22.00 tidlegare år.
Det inneber at ordninga med gratis ferdsel over Nordhordlandsbrua jule- og nyttårskvelden er utvida med til saman fire timar.

Nils Marton Aadland