Kapasiteten ved Øvsttunsenteret i Bergen vert auka ved etablering av to nye akuttplassar og fire nye langtidsplassar i form av hyblar. Av plassomsyn vert i denne samanheng behandlingsavdelinga flytta til leigde lokale i Osveien.
22,5 nye stilingar
Planane, som Hordaland fylkesutval har godkjent, inneber skiping av 22,5 nye stillingar og ein auke i Øvsttunsenteret sine rammer med 11,46 mill. kr pr. år. Fylkeskommunen kjøper i dag denne typen plassar i private barnevernstiltak, og endringa vil dermed kunne finansierast innafor eksisterande rammer. Det skal førast prosjektrekneskap som viser om finasieringsføresetnadene held.
Barnevernsenter
Øvsttunsenteret er ein institusjon retta inn mot ungdom med alvorlege åtferdsvanskar. Som lekk i oppfølging av revidert plan for barne- og familievernet er det utarbeid planar for utvikling av Øvsttunsenteret til barnevernsenter. Målsettingane med ei slik utvikling er å oppnå kvalitative og økonomiske gevinstar gjennom større fleksibilitet i behandlingstilbodet.
Stanley Hauge