Komité for kultur og helse rår fylkesutvalet til å godkjenne at det blir etablert ei ny avdeling ved Øvsttunsenteret for to ungdommar.
Som lekk i oppfølging av revidert plan for barne- og familievernet i Hordaland har barne- og familiekontoret starta eit arbeid med å utvikle institusjonstiltaka i retning av ”barnevernsenter”. Arbeidet har som mål å gi eit betre og meir differensiert tilbod innanfor rammene av eksisterande institusjonar.
Ved Øvsttunsenteret er det under utarbeiding planar både for endringar innanfor dagens ramme for drifta og for utviding i form av nye bueiningar. Med utgangspunkt i dette rår komitéen til etablering av ei mindre bueining i løpet av sommaren 2002. Eininga blir administrativt underlagt Øvsttunsenteret og vil ha ungdom med psykiske vanskar som målgruppe.
Avdelinga vil bli finansiert innanfor eksisterande rammer for barne- og familievernet.
Saka skal opp i fylkesutvalet i møte den 25. april.
Eli Lothe