Konferansen blir skipa til på Bergen Kongressenter torsdag 29. november. Leiar for komite for næring og utdanning, Mali Grete Aksnes (biletet) skal opne konferansen. Bakgrunn for konferansen er at stadig fleire verksemder utarbeider ”grøne” innkjøpsrutinar. Samstundes blir det stilt stadig strengare krav til verksemdene om å dokumentere at både produkt og produksjonsprosess er miljøvenlege. For å oppnå ei miljømedviten næringsutvikling og styrke konkurranseevna i Hordaland, er det viktig at offentleg og privat næringsliv får auka kunnskap og kompetanse om miljøsertifisering.
Ulike sertifikat
Konferansen vil utdjupe behovet for og gevinstane ved miljøsertifisering og gje ei oversikt over dei ulike sertifiseringsordningane. Konferansen ønskjer og å gje deltakarane praktisk reiskap for eige sertifiseringsarbeid.
Målgruppa for konferansen er politisk og administrativ leiing i kommunane og fylkeskommunen, organisasjonane i arbeidslivet, private og offentlege verksemder, reiselivet, region- og tiltakskontor, næringshagar, miljøorganisasjonar og universitets- og høgskulemiljø.
Konferansen blir skipa til av Hordaland fylkeskommune, Bergen kommune og Kommunenes Sentralforbund Hordaland.
Påmeldingsfrist er måndag 19. november.
Påmelding på faks til 55 23 90 01, e-post: maybrit.hollevik@post.hfk.no eller på telefon 55 23 92 82
Klikk her for nærmare informasjon, program og påmeldingsskjema (pdf-format)
