Ros for å satsa internasjonalt

I eit brev etter kronpris Haakon Magnus si vitjing til Orknøyane 16. april i år, skriv generalkonsulen: «Det ligg nær å peike på at mykje av grunnlaget for innbydinga til Kronprinsen var det tilskotet Hordaland fylkeskommune hadde gitt til St. Magnus-senteret.» Gåva på 300.000 kr er ei monaleg gåve for kva norsk institusjon som helst, og viser Hordaland sin vilje til å halde kontakten med venskapskommunen i vest, heiter det i brevet frå Hauge. Han avsluttar slik: «Biblioteket vil alltid vere der til bruk også for nordmenn og vil minne om kontakten med Noreg. Det viser også at norske (fylkes-)kommunar har ein rolle å spele internasjonalt når viljen og interessa er til stades for slikt. I ei tid då fylkeskommunen si rolle i norsk administrativ struktur er under sterk drøfting, bør dette aspektet ikkje bli gløymt.»