Hordaland fylkesting har vald Torill Selsvold Nyborg (Krf) til fylkesvaraordførar i den perioden Helen Nordeide Fløisand (Krf) har permisjon frå fylkestinget for å vera byråd i Bergen.
På biletet gratulerer fylkesordførar Gisle Handeland og overrekker blomster. Selsvoll Nyborg vert også leiar i administrasjonsutvalet i same periode. Selsvold Nyborg går også inn i ei rekkje andre verv som Helen Nordeide Fløisand har hatt i fylkeskommunal samanheng.
Nordeide Fløisand tok til som byråd i Bergen 1. november i år. Fylkesutvalet godkjende 1. nov. at ho fekk permisjon og konstituerte frå same tidspunkt Selsvold Nyborg i vervet som fylkesvaraordførar. Fylkestinget har no formelt godkjent permisjonen og føreteke nyval i verva Nordeide Fløisand har permisjon frå.
Ny fylkestingmedlem for Krf vert Aslaug Hellesøy, og ny fylkesutvalsmedlem vert Brynjulv Hernes.
Stanley Hauge