Julaftan og nyttårsaftan blir det gratis ferdsel (ingen bompengar) over Nordhordlandsbrua i følgjande tidsrom: Julaftan frå klokka 18.00 til 1. juledag klokka 08.00. Nyttårsaftan frå klokka 22.00 til 1. nyttårsdag klokka 10.00.
Vedtaket er gjort av fylkesrådmannen og er i tråd med tidlegare praksis. Det var BNR som tok opp spørsmålet fordi det er liten trafikk i dette tidsrommet. I 1995 godkjende fylkesrådmannen at det blei fri ferdsel i nemnde tidsrom. Sidan er spørsmålet reist kvart år, og det er blitt praksis å få reise gratis over brua i dette tidsrommet.
Inntektstapet i bompengar i samband med dette tiltaket er kalkulert til om lag 30.000 kroner. Det medfører at i underkant av 1000 bilar får passere brua utan å betale bompengar.
I gjennomsnitt betalar kvar bil som passerer brua 36 kroner i bompengar.
Nils Marton Aadland