Komite for miljø og samferdsel rår fylkesutvalet til å seia seg samd i Vegdirektoratet si tilråding i spørsmålet om framtidig vinterdrift på riksveg 7 over Hardangervidda. Med grunnlag i tidlegare fylkespolitisk handsaming av spørsmålet om framtidig vinte
På biletet ser vi Arne Jakobsen (A) som leia møtet i komiteen.
I samband med spørsmålet om framtidig vinterdrift på riksveg 7 over Hardangervidda vil komiteen også vise til fylkestinget si handsaming av sak om handlingsprogrammet til Nasjonal transportplan 2002-2011 i juni 2001.
Fylkestinget gjorde her vedtak om å setje i gang planarbeid for å avklare behovet for tunnelar på riksveg 7 over Hardangervidda både som eit eventuelt avbøtande tiltak med omsyn til villreinen sine levekår, men også som eit viktig tiltak for å sikre ein betre vinterregularitet på høgfjellstrekninga. Ein vil og syna til at for turistnæringa og det lokale næringslivet i Hardanger og Hallingdal vil kostnadene ved ei vinterstenging av vegen over Hardangervidda vera særs store.
Stortinget avgjer
Statens vegvesen Vegdirektoratet har i brev til Samferdselsdepartementet lagt fram innstilling om framtidig vinterdrift på mellim anna riksveg 7 over Hardangervidda. Spørsmålet om framtidig vinterdrift skal endeleg avgjerast av Stortinget i samband med handsaminga av budsjettproposisjonen for 2002.
Spørsmålet om framtidig vinterdrift på rv7 over Hardangervidda har svært stor strategisk betydning for regional utvikling i indre deler av Hardanger og for aust-vest sambandet mellom Bergen og Oslo-området.
Overvåke villrein
Vegdirektoratet har i si tilråding til Samferdselsdepartementet konkludert med at omsynet til eksisterande næringsverksemd og regional utvikling bør tilleggast størst vekt og går inn for framleis vinterdrift på riksveg 7 over Hardangervidda. Dette under føresetnad av at villreinstammen sine levekår vert overvåka i åra som kjem.
Innstillinga vart gjort mot røystene til SV og RV.
Fylkesutvalet tek endeleg avgjerd i saka.
Les heile pressemeldinga frå komite for miljø og samferdsel
Arild Berg