Gassbussprosjektet starta i 1995 og er eit samarbeid mellom Hordaland fylkeskommune, Bergen kommune, Gaia Trafikk AS, HSD Buss AS og Naturgass Vest AS. Fordelen med naturgass er mindre ureining og mindre støy.
Den første
I fjor opna den første gassfyllestasjonen for 53 bussar i Åsane. Stasjonen på Straume har kapasitet til 27 gassbussar.
Det offentlege har bidrege med 64,3 millionar kroner til gassbussprosjektet, av dette staten med 10,5 millionar, Hordaland fylkeskommune med 29 millionar og Bergen kommune med 24,8 millionar kroner.
13 millionar
Det har kosta 13 millionar kroner å byggje gassfyllestasjonen på Straume. Den er samansett av to bygningar med kompressorar, ein bygning for elektriske installasjonar, ei gasstralle for transport av gass, ein gassbank med høgtrykkgass og 27 fyllestendarar for gassbussar.
Naturgassen kjem frå Trollfeltet i Nordsjøen. Den går via røyr til Kollsnes i Øygarden. Her har Naturgass Vest bygd ein kompressorstasjon. Den komprimerte gassen blir frakta med vogntog til fyllestasjonen. Det er planlagt å bygge røyrleidning for frakt av naturgass til anlegget på Straume og til anlegget i Grønneviken i Bergen.
Meir informasjon om gassbussprosjektet
Talen til fylkesordførar Gisle Handeland under opninga av fyllestasjonen for naturgass på Straume
Bjarte Brask Eriksen